كان قلبى عاشق انما
مات ف صغرة عندما
عصفور كناريا ف محبسة
حلف يعيش من غير غنا
السبت، 5 مارس 2011
الصبر
واتفكت فى لحظة قيودى
اتفكت عقدة لسانى
اللى معقودة من سنين
ولقتنى بصرخ
يسقط الظالمين
ياة
دة الحلم اللى
خوفت ياما احكية
اخرج برة زنزانتى
القش
واجرى واعدى
حيطان الصمت
اتحقق فى لحظة
صبر
اللة عليكى ياحبيبتى
صبرة ياما وصبرتى
ع اللى خانوكى
جمعتى عشاقك
حواليكى
وحلفوا يحرروكى
وحياة دم الشهيد
لاروى اراضيكى
بعرقى
ولااسمح من
تانى
عنى يبعدوكى
ولو فدا
حريتك دمى
شهادة ميلاد
وكانى لسة بتولد
وكانى من مواليد
الميدان
عديت التلاتين
من بدرى
خوف التلاتين
اتحول بركان
بركان غضب
جوة شباب
انفجر
هز الميدان
هز العرش والسلطان
فجر ينابيع امل
عمرى انهاردة كام ؟
لسة العمر بيبتدى
من اواخر يناير
بس عديت مرحلة
فيها الوليد
يتهجى الكلام
اصل ولادتى
كانت متعثرة
واتولدت
رافض الظلم
الخوف
رافع راية العصيان
ع اللى
خانونى
ع اللى باعونى
ع اللى خلونى
جوة نفسى
جبان
حلمنا حقنا
انا وانتوا هنا
على ارضنا
خايين بناخد حقنا
لاحد خرب
ولاحد دمر
ولاحد بايع حلمنا
ثورتنا قامت
ثورتنا قالت
حق بسلام
من غير نزال
دمنا غالى
ووطنا اغلى
قال النظام
لا
لا لمين؟
للحق؟
سيب كلابة
طلع لصوصة
استحلوا دمنا
شهدائنا راحوا
بس بدماهم
كتبوا حلمنا
ياصرخة اعلى
اعلا واعلا
قوليلوا
ارحل عننا
الخوف خلاص
والليل خلاص
رجعلة نهار
بعد تلاتين سنة
طلعوا للسما
قالولى ماتوا
انا قلت لا
قالولى رحلوا
انا قلت لا
دول باسوا
تراب الارض
وطلعوا للسما
حفروا اسامى
فى القلب
تعيش مليون سنة
كتبوا شهادة ميلادى
اللى اتاخرت
30 سة
شهداء يناير
زى اكتوبر
من 38 سنة
عاشوا فى قلوبنا
رافعين رايتنا
واللى ينساهم
مش مننا
حلم الفجر
بتزلزل من جوايا
اثور
بركان مكتومة
فوهتة
يغلى يفور
غلى الدم
فى دماغى
فار على عيونى
غطى النور
حلم امبارح
وهم كبير
الصورة توضح
حبة حبة
تبان اشباح
تختفى
خاف الفجر
ان طلع
علية الصبح
يلقاة مشنوق
خاف م الموت
حلم
نزلت دمعة
الجمعة، 4 مارس 2011
دم ودم
دم ودم
بدر منور
كان الواد
عمال بيجرى
ويتكفى
يمسك حجرة
يشد النبلة
يقوم بركان
ولعة وادها
يضرب حبة
يهرب حبة
يجرى ويعرج
وقع الواد
وانا قاعد
زى خيال
ح اتجن
بتفرج
عيال خايبة
تلعب كورة
تحرق دمى
ارفع يابنى
مين ح يقابل
الحق اجرى
طاشت كورة
فوق العارضة
حاول تانى
ووقع الواد
لكن قام
يجرى ويتدارى
فى ركن الحيطة
وجريوا وراة
كام دبابة
ودمة بينزف
وجول بيضيع
وكفاية حرام
تحرق دمى
ودمة بينزف
دم يعطر
دم يخضر
خلا الارض
تقول ياسلام
وقع لعيب
نزل دكتور
حوشوا الدم
ودمة بينزف
والتانى شاط
البلن
برة العارضة
يابنى ارحمنى
يخرب بيتكوا
دة لسة بيجرى
يهرب حبة
ويضرب حبة
وبيتدارى وبيتكفى
مش هامة رصاص
وعساكر ددبان
بتدور على عيل
مش زى عيالنا
لوينجرح منهم
واد
تقوم الدنيا
ام تطبطب
اب يدادى
دلع حبة
شوية شوربة
وكام دكتور
لكنة عيل
خلا عقول تتجن
وانا قاعد
زى خيال ح اتجن
وشوية عيال
حرقوا الدم
وزى العادة
عيال خايبة
والواد يضوى
ويلمع
زى الماس
والنار حوالية
خلص الماتش
دمى اتصفى
ودمة اتصفى
لكن دمة خلا
الارض تقول
ياسلام
دم معطر
دم يخضر
دم شهيد
مش دم
خيال
الاشتراك في:
الرسائل (Atom)