اللحظة

وف ليلة ضلمة
الخوف ماليها
قربت منها
بصيت ف عينها
قالتلى خايفة
وانا كنت خايف
بامسك ايديها
حاسيت برعشة
سكنت فى صدرى
خطفت لى قلبى
وف لحظة غابت
عينها ف عنية
بردت ايديها
مابين ايدية
لحظة فراق
لحظة سكوت
سبقتها لحظة
واللحظة
مووووووت

وبحلم بك

وندانى الحلم
بشاير نور
بيشقشق
وصوت بيرن
ف ودانى
اوم اعشق
بنوتة ف عنيها
خيوط الفجر
تتلاقى
يكون حلمك
كما العصفور
الكون ملكك
ومن حقك
 تطير وتدور
صحيت من حلمى
بتنطط  وبتشاقى
متعفرت
شديت من سواد
عنيكى الخيط
ونويت الصوم
لبست الريش
سلمت للريح جناحاتى
وقبلت اكون
ف وسط نسور
واتحدى
واقع
ينكسر جناحى
ومن تانى اطير
ارمى ف فرحتك عمرى
مانا اللى مهما يطير
بيرجعلك
امد شراع الود
يعدينى
لشط القلب
مانا نبضك
واحساسك
وحلم عشقتة ف
عنيكى
زمان لما انكسر
باعنى
ولقتنى بعود
وباديكى
بلملم كل احزانى
وبحلم بك